Лондоннинг "Арсенал" клуби форварди Лукас Подольски энди ўзини кино актёр сифатида синаб кўрди ва комедик жанрда олинган "Мачо" фильмида суратга тушди.
Goal.com тарқатган хабарга қараганда, футболчи юмористик қобилиятини кинода кўрсатишга қарор қилган. Фильм адиб Мориц Нетеньякобнинг новелласи асосида олинган.
– Воқеалар менинг туғилиб-ўсган ва фаолиятимни бошлаган она шаҳрим Кёльнда бўлиб ўтади. Саҳналарим асосан стадионда бўлиб, жуда қувноқ тарзда кечди, деб ҳисоблайман. Фильм премьерасини ўта сабрсизлик билан кутяпман, – дейди Подольски.
Фильм катта экранга 2015 йилнинг октябрь ойида чиқади.
