Криштиану Роналду ҳақида маълумот
Тўлиқ исми: Криштиану Роналду душ Сантуш Авейру
Туғилган йили: 05.02.1985 й.
Испаниянинг “Реал Мадрид” футболчиси
Икки карра “Олтин тўп” соҳиби
Мадридда Роналдуга ҳайкал ўрнатилган
Дунёнинг икки четидаги мамлакатларнинг чекка бир ҳудудида ўртамиёна оилада дунёга келган ва ўзи танлаган соҳада улкан ютуқларга эришиб, дунё миқёсида танилган футболчи ва модель муҳаббати бугун тилларда достон. Гап дунёнинг энг яхши футболчиларидан бири Криштиану Роналду ва супермодель Ирина Шейк ҳақида кетаётганини тушунган бўлсангиз керак. Келинг, уларнинг муҳаббат тарихига қулоқ тутамиз...
Ирина Шейк: “отамдан эрта айрилганман”
1986 йилнинг 6 январида Россиянинг унча катта бўлмаган Еманжелинск шаҳарчасида таваллуд топганман. Отам кончи, онам эса мусиқа ўқитувчиси бўлиб, пианинони маҳорат билан чаларди.
Ўн тўрт ёшга тўлганимда отам камқонликдан азият чекиб вафот этди. Рўзғор ташвишлари тўлиқ елкасига тушган онам энди уч фарзанд (Иринанинг укаси ва бир синглиси бор)ини боқиш учун икки жойда ишлаб, пул топишга мажбур бўлган. 2004 йилда Россиянинг Челябинск шаҳрида ўтказилган “Супермодель-2004” гўзаллик танловида ғолиб бўлганимдан сўнг танлов ташкилотчилари келажакда юлдуз бўлишимга ишонч билдиришди. 2005 йилдан бошлаб моделлик фаолиятим бошладим ва аста-секин АҚШ подиумларида чиқа бошладим.
Чекка қишлоқдан жаҳон подиумигача…
Ирина Европанинг Sports Illustrated, Cosmopolitan, GQ, Harper's Bazaar, Esquire, FHM, Marie Claire, Elle каби журналлари юзи ҳисобланиб, шунингдек, Armani, Lacoste, Martini каби дунёнинг энг машҳур брендлари намойишчиси ҳамдир.
Ирина айни дамда дунёдаги энг машҳур ва латофатли моделлар йигирматалигидан ўрин олган. Шейк Иринанинг тахаллуси бўлиб, унинг тўлиқ исм-шарифи Ирина Шайхисломова. Унинг гўзаллиги ва мафтункорлиги минглаб мухлислар эътирофига сазовор бўлиш билан бирга сайёрамизнинг энг омадли футболчиси Роналдунинг ҳам эътиборидан четда қолмади.
Ирина Шейк ҳақида қисқача маълумот:
Тўлиқ исми: Ирина Валерьевна Шайхисломова
Туғилган йили: 1986 йил
Фильмографияси: 2011 йилда суратга олинган “Need for Speed: The Run” (“Кўприк остидаги тезлик&rdquo
фильмида бош Мила Белова ролида
2014 йилда суратга олинган “Геракл” фильмида Гераклнинг рафиқаси ролида.
Хайрияни канда қилмайди
Ҳозирги пайтда АҚШда яшаб фаолият юритаётган бўлсада, Ирина ўз юртини унутгани йўқ. У тез-тез Еманжелинск туғруқхонаси, шунингдек, қариялар, болалар уйига моддий кўмак бериб туради.
Ҳаяжонли ёнма-ён дамларда
Криштиану Роналду 2013 йилда дунёнинг энг яхши футболчиси деб топилиб, ФИФАнинг “Олтин тўп”ига сазовор бўлди. Спортчи тақдирлаш маросимига ўз оиласи, уч яшар ўғли ва Ирина Шейк билан ташриф буюрган эди.
Ирина футболчининг ёнидан бир қадам ҳам жилмади. Роналду тақдирланиши арафасида қаттиқ ҳаяжонланар, Ирина эса унинг қўлларидан маҳкам тутиб олганди. Саҳнага таклиф этилганида эса Криштиану ўзининг уч яшар ўғлини етаклаб чиқди.
Мукофотни футболнинг афсонавий қироли Пеле қўлидан қабул қилгани Роналду кўздан оқаётган севинч ёшларини беркита олмай баралла: “Авваламбор мен муваффақиятларимнинг асосий сабабчилари бўлган ушбу терма жамоанинг барча аъзоларига ўз миннатдорчилигимни билдираман. Менинг ҳозирги даражага эришишимда уларнинг ҳиссаси катта. Шунингдек, менинг шахсий ҳаётимга даҳлдор бўлган яқин инсонларим, рафиқам, дўстларим ва ўғлим менга ҳар бир дақиқада руҳан мадад бўлиб туришди”, деган эди.
Ирина тақдирлаш маросими якунида ўзи олган фотосуратларни ижтимоий тармоққа жойлаштириб, микроблогига Роналду билан фахрланишини ёзган.
Ирина ва Роналду тўй қачон?
Европа 2012 чемпионатининг финал босқичидан сўнг Роналду Ирина Шейкка уйланишга ваъда берган эди. Аммо оила қуришга аҳд қилган бу икки юлдуз ҳамон қарорларини амалга оширишга шошилмаяпти. Бу ҳақда берилган саволларга эса иккаласи ҳам жавоб беришдан қочишади. Бу эса интернетда турли миш-мишлар юзага келишига сабаб бўлмоқда.
Албатта ташқаридан қараганда бу чиройли жуфтликнинг ҳаёти ҳам чиройли деб ўйлаш мумкин.
Лекин... Келинг яхшиси, интернетда тарқалган хабарларга эътибор қаратамиз. Айтишларича, Ирина Криштиануга куз ойи турмуш қуриш ва бу ҳақда матбуотда эълон беришни талаб қилган. Балки бошқа бир аёлдан Роналдунинг фарзанди борлиги, унинг хиёнати ҳақидаги гап-сўзлар, шубҳа-гумонлар Иринани шунга мажбур қилгандир. Европа газеталари эса футболчи карьерасининг ўтиш даврида эканлигини ва шу сабаб Ирина Роналдуга нисбатан бадавлатроқ ва омадлироқ инсонни излаш пайига тушган деб бонг урмоқда.
Охири бахайр бўлсин бўлсин
Айрим манбалар эса машҳур футболчи ва таниқли модель аллақачон яширинча никоҳдан ўтганликларини таъкидламоқда. Бундан ташқари матбуотда бошқа фаразлар илгари сурилмоқда. Яъни Ирина ҳар қанча Роналду билан оила қуриш, фарзандли бўлиш истагида бўлмасин, Роналду фарзанди борлиги сабабли россиялик супермодель билан турмуш қуришга ва яна фарзандли бўлишга шошилмаётган эмиш.
Юқоридаги гап-сўзларга ойдинлик киритиш мақсадида журналистлар Иринага мурожаат қилишганда у “Роналдудек инсон ёнимда бўлганда бошқа бир инсон ҳақида ўйлашим мумкинми? Аммо мен ҳам ўттиз ёшни қарши оляпман, лекин ҳалигача оилам йўқ. Оила мен учун муқаддас. Оиланинг ўрнини ҳеч нарса — машҳурлик ҳам, бойлик ҳам боса олмайди деб ўйлаганим учун Роналду бошқа аёлдан фарзандли бўлганда ҳам, унинг хиёнати ҳақида барча бонг урганда ҳам муҳаббатимдан юз ўгирмаганман. Мен жуда сабрли ва кечиримлиман”, дея жавоб берган.
Хуллас, тўй кечиккани сайин бу икки машҳур жуфтлик атрофида гап-сўзлар ҳам кўпайгандан кўпайиб бормоқда... Кутайлик-чи, натижа қандай бўларкан?
Моҳичеҳра ЭШМИРЗАЕВА тайёрлади
