Бугун, 23 январь куни Яшнобод туманида Тошкент ҳалқа йўлининг "Водий" кафеси яқинида тахминан 13:00 да содир этилган ЙТҲ натижасида шакар ортилган юк машинаси ағанаб кетди.
Тошкент ИИББ матбуот хизмати хабарига кўра, «КамАЗ» русумли юк автомашинасининг ҳайдовчиси 28 ёшли Салохиддин Ю. олдиндаги атомашиналарни қувиб ўтишга ҳаракат қилган, натижада бошқарувни йўқотиб, йўлнинг четида турган «Жигули» автомашинасига тўқнаш келди ва юк машинасига ортилган шакар халталари лойга сочилиб кетди.
ЙТҲ натижасида жабрланганлар йўқ.
Суратлар "Kanallani Dodasi" телеграм каналидан олинди.
