Покистон жанубида содир бўлган йўл фалокати натижасида ҳалок бўлганлар сони ортмоқда. Хабар берилишича, 56 нафар одам вафот этган, улар орасида аёллар ва болалар ҳам бор. Яна 25 киши турли даражадаги жароҳат олган. Тиббиёт ходимлари томонидан уларнинг уч нафарининг аҳволи жиддийлигини таъкидланмоқда.
ТАССнинг маълумотига кўра, фалокат Синд провинциясининг Суккур округида Тери шоссесида содир бўлган. Карачига қараб йўналган сайёҳлар автобуси трассанинг тор жойида машинани қувиб ўтишга уринган ва бошқарувни йўқотган. Натижада юк машинаси билан тўқнашиб кетган.
Аввалроқ, фалокат натижасида 29 киши ҳалок бўлганлиги хабар қилинган эди.
