Тошкент шаҳар божхона бошқармаси “Келес” темир йўл чегара божхона пости ходимлари томонидан сифати кафолатланмаган озиқ овқат товарларини яширин тарзда олиб киришга уриниш ўз вақтида тўхтатиб қолинди.
“Уфа-Тошкент” йўналишида кириб келган поезд йўловчиларининг қўл юклари белгиланган тартибда божхона назоратидан ўтказилди. Натижада, фуқаро М.А. салкам 180 дона болалар бўтқаси, ширинликлар, шарбатлар ҳамда гўшт қиймалагичларнибожхона назоратидан яшириб олиб келаётганлиги аниқланди. Дастлабки ҳисоб китобларга кўра, ушбу товар-моддий бойликларнинг умумий қиймати 10,8миллион сўмни ташкил этди.
Айни пайтда мазкур ҳолат юзасидан божхона текширувлари давом эттирилмоқда.
