Шу кунларда Грецияда кучли қор бўронлари кузатилмоқда, дея хабар қилмоқда Вести нашри.
Европанинг шимолий қисмидан кириб келган совуқ об-ҳаво мамлакатда бир қатор муаммолар келтириб чиқармоқда. Айни вақтда ҳарорат 10-15 даража совуқ экани қайд этилган. Грециянинг марказий қисмларида транспорт қатновлари тўхтаб қолгани хабар қилинмоқда. Салоника халқаро аэропортида кўплаб рейслар бекор қилинган.Оқибатда эса юзлаб йўловчилар ўз манзилига вақтида етиб боролмаябди. Автомагистраллар ҳам ёпиб қўйилди.
