Буюк Британия пойтахти Лондонда жойлашган Ҳитроу ва Сити халқаро аэропортларидан бир нечта портловчи қурилмалар топилди, деб хабар қилди Репорт нашри.
Шунингдек, Ватерло темирйўл станциясида ҳам шубҳали пакет борлиги ҳақида Скотланд-Ярдга хабар келиб тушган. Шубҳали пакет почта хизмати ходимларининг эътиборини тортган. Жойларга етиб борган махсус ходимлар хафвсизлик юзасидан одамларни бинолардан эвакуация қилишди. Топилган портловчи қурилмалар махсус гуруҳ томонидан хавфсизлантирилди. Терроризмга қарши кураш департаменти бомбалар солинган пакетларда Ирландия почта маркаси ёпиштирилганини хабар қилмоқда.
