Венесуэла ҳукумати Германия элчиси Даниэль Мартин Криенерни “персона нон грата” деб эълон қилди, деб хабар берди Day.Az нашри.
Ташқи ишлар вазирлиги берган баёнотида айтилишича, Германия дипломатик ваколатхонаси раҳбари мамлакатнинг ички ишларига мунтазам аралашиб келган. Дипломатга Венесуэлани тарк этиши учун 48 соат вақт берилди. Расмий Берлин эса бу ҳолатни “тушунарсиз қадам”, деб атамоқда. Ташқи ишлар вазирлиги Каракас Европанинг барча давлатлари билан ҳурматга асосланган муносабатларни қўллаб-қувватлашга тайёрлигини ҳам қўшимча қилган.
