Буюк Британиялик аёл бўйнига ташлаб олган шарфи туфайли омон қолди, деб хабар бермоқда Lenta.ru нашри.
Саутенд-он-Си шаҳрида истиқомат қиладиган 25 ёшли Александра Виньон (Alexandra Vignon) коммивояжёрлик ишига отланишдан олдин бўйнига шарф тақиб олишга қарор қилади. Уйларнинг бирида унга 24 ёшли Жеймс Томас (James Thomas) ташланади ва 11 марта қизнинг елкаси, бўйни, юзи, қўли ва кўксига пичоқ санчади. Кейин эса воқеа жойидан ғойиб бўлади.
Касалхонада маълум бўладики, айнан шарф туфайли Александра тирик қолган экан, негаки пичоқ шарфнинг устидан танага чуқур кирмай қолибди. Тўрт соатлик операциядан сўнг Виньоннинг бўйнидан пичоқ олиб ташланади.
Томас ўзини полицияга топширади. Айтишича, ўн йилдан буён кимгадир пичоқ санчмоқчи бўлган экан. У 16 йилга қамоқ жазосига ҳукм қилинди.
