Куни кеча Эфиопия ҳаво йўлларига тегишли бўлган “Boing 737 MAX” русумли самолётнинг ҳалокатга учраши оқибатида унинг бортида бўлган 157 нафар йўловчиларнинг барчаси ҳалок бўлди. Шундан сўнг Cингапур ҳаво йўллари авиакомпанияси мамлакатдаги барча “Boing 737 MAX” рейсларини сешанба куни маҳаллий вақт билан 14:00 дан бошлаб тўхтатиб қўйишини эълон қилди.
Бундан ташқари ушбу ҳалокатдан сўнг яна кўплаб давлатлар “Boing 737 MAX” самолётларини парвозларидан xавотирга тушиб рейсларни бекор қилган. Хусусан Хитойнинг “Southern Airlines”, “Shandong Airlines”, Индонезиянинг “Garuda Indonesia” ва Тайланднинг “Thai Lion Air” компаниялари ҳам бир нечта рейсларни тўхтатган.
