Тошкент шаҳрининг Яшнобод (собиқ Ҳамза) туманидаги Элбек кўчаси 2014 йилда интернет-ролик қаҳрамонига айланишга ва тошкентликлар орасида «энг кўп жабрланган» деган ном олишга улгурди.
Podrobno.uz’нинг ёзишича, бу кўчадаги таъмирлаш ишлари 2011 йилда бошланган бўлиб, 2014 йилнинг ёзига қадар давом этди. Эътиборли томони, шунда ҳам кўчанинг 20 фоизи аҳволи ачинарли кўринишда қолган.
Яшнобод тумани ҳокими Фаррух Ҳакимовнинг маълум қилишича, Элбек кўчасининг қолган қисмини таъмирлаш ишлари фақатгина 2015 йилда якунига етказилади.
Маълумот учун, Элбек кўчаси Яшнобод туманидаги энг узун кўчалардан бири бўлиб, «Машинасозлар» ва «Дўстлик» (собиқ Чкалов) метро бекатларини боғлайди.
