Британиялик Пэм Робертс камдан-кам учрайдиган касаллик туфайли ўз организмини эшитади, дея хабар қилди Рамблер нашри.
Пэм ваннада сирпаниб йиқилиб тушади ва боши қаттиқ урилади. Бир неча муддатдан сўнг аёл ғалати товушлар эшита бошлайди. Кейин маълум бўлишича, бу овозлар ўзининг танасидан эшитилаётган экан.
Робертснинг чап қулоғи каналида майда тешикчалар пайдо бўлган, бу эса аёлнинг организмида неки содир бўлса, барча товушларни эшитишига сабаб бўлган.
Пэм ўз юрагининг уришини, кўзи айланиши, киприк қоқиши, қонинининг айланишини эшитаверган. Бу эса уни алалоқибат тажангликка олиб келган.
Ҳозирда аёлнинг оиласи уни даволатиш учун маблағ йиғмоқда.
