Американинг Citigroup номли машҳур банкида топ-менежер лавозимида ишлаб келаётган Шон Миллер ўз уйида ўлик ҳолда топилган, дея хабар беради ТАСС.
Уни уй хизматчиси ювиниш хонасида томоғига пичоқ тортилган ҳолда топиб олган. Таҳминларга кўра 42 ёшли топ-менежер ўз жонига қасд қилган бўлиши мумкин. Унинг қонида спиртли ичимлик, наркотик моддалар шунингдек метамфемитан моддаси топилган. ОАҚ берган маълумотларга кўра эса, ҳаётининг сўнгги кунларида Миллер қутқарув хизматига қўнғироқ қилиб, уни қандайдир киши кузатаётгани ҳақида хабар қилган. Бироқ унинг жасади топилган уйда зўравонлик, босқинчилик, қотиллик излари топилмаган. Эслатиб ўтамиз, Шон Миллер Citigroup банкида 2004 йилдан буён фаолият олиб келмоқда эди.
