Хитойлик аёл эридан қутулиш учун ўз ўлимини саҳналаштирди, деб хабар қилмоқда Рravda.ru нашри.
37 ёшли хитойлик аёл ўз ўлимини ёлғондакам саҳналаштиргани учун 10 сутка давомида қамоқда ушлаб турилди. У 36 ёшли эридан халос бўлиш учун шундай қилган.
Аёл ижара уйидан чиқиб, эрига қўнғироқ қилган ва собиқ йигити уни ўғирлаб кетганини маълум қилган. Кейин собиқ йигитининг номидан эрига таҳдидли смс-хабар юборган. Хабарда агар мазкур воқеа полицияга маълум қилинса, аёлнинг жасади кўлнинг тубидан топилишини айтган.
Қўрқиб кетган йигит полицияга хабар беради. Полиция эса “ўғирланган келин”ни кузатув камераси орқали текширишади.
Аёл ўзининг бу хатти-ҳаракатларини эридан халос бўлиши учун қилганини тан олди. Айтишича, эрининг молиявий аҳволи уни қониқтирмай қўйибди.
Шундан сўнг аёл ўн кун давомида ҳибсда ушлаб турилган.
