Пойтахтимиздаги ҳар хил йўналишдаги 170 та автобусларда икки томонлама алоқа қилиш қурилмалари ўрнатилган.
Шу йилнинг охирида бундай қурилмалар барча йўналишдаги йўловчи ташиш транспортларига ўрнатилади. Кейинчалик мингдан ортиқ бекат ҳамда автобус тўхташ жойларига электрон табло қўйилиши кўзда тутилган.
Бу таблолар йўналиш вақтини кўрсатади. Йўловчилар эса керакли автобус қачон келиши ҳақида маълумот олишлари мумкин бўлади.
Шунингдек, йўловчилар мобиль телефон, смартфон ёки плантшет ёрдамида www.via.uz сайти орқали керакли автобуснинг бирор бир бекатга қачон келиши, тарифлар ва йўналишлар ҳақида маълумотларга эга бўлишлари мумкин.
