Samsung смартфони орқали Сатурн сайёраси фотосуратга олинди, дея хабар берди Сегодня нашри.
Ушбу кадрлар астроном ва фотосуратчи Грант Петерсен томонидан амалга оширилган. У фотоаппарат ўрнига Samsung Galaxy S8 смартфони ва 8 дюймли Добсон телескопини қўллаган.
Смартфонда олинган фотосуратда Сатурнни тўсиб қўйган баҳайбат Ойни кўриш мумкин. Ваҳоланки, Сатурн Қуёш системасидаги Юпитердан кейин иккинчи энг катта сайёра ҳисобланади. Гап шундаки, Ой Ердан 384 400 километр узоқликда, Сатурн эса 1,4 млрд километр олисликда жойлашган.
