Британиянинг қироллик коллекциясида Леонардо да Винчининг номаълум портрети топилди, дея хабар қилди The Telegraph нашри.
Мутахассисларнинг айтишича, портрет муаллифи рассомнинг шогирдларидан бири бўлиши мумкин. Сурат Леонардо да Винчининг вафотига қадар 1519 йилда чизилгани тахмин қилинмоқда.
Аслида, портрет бундан 51 йил олдин топилган эди, аммо ўшанда соқолли киши тасвирига ҳеч ким эътибор бермаганди. Да Винчининг вафот этганига 500 йил тўлиши муносабати билан ўтказиладиган кўргазмага тайёргарлик жараёнида тарихчи Мартин Клейтон (Martin Clayton) картинага яхшироқ эътибор беради ва унда буюк даҳо билан ўхшашлик жиҳатларини топади.
Портрет Букингем саройида 24 май куни кенг жамоатчиликка намойиш этилади.
