Индонезия сайлов комиссияси президент сайлови натижалари муддатидан бир кун аввал расман эълон қилди, деб хабар қилмоқда Day.Az нашри.
Унга кўра, мамлакатнинг амалдаги президенти Жоко Видодо ғалаба қозонди ва иккинчи муддатга президент лавозимини эгаллади. Сайловчиларнинг 55,5 фоизи унга овоз беришган.
Унинг рақиби мухолифат номзод Прабово Субианто эса 44,5 фоиз овоз тўплади. Субианто натижалар эълон қилингунга қадар сайловларнинг мустақил текширилишини талаб қилган. Унинг жамоасининг фикрича, кўплаб сайлов участкларида сайлов жараёни қоидалари бузилган, 6,7 млн овоз берувчи сайловда иштирок этишга таклиф қилинмаган.
