Британия бош вазири Дэвид Кэмерон ноодатий иш билан шуғулланаётганда кўзга ташланди. Мамлакатнинг энг машҳур сиёсатчиларидан бирини ўрмонда йирик калиберли милтиқ билан бирга ўрмонда, каптар отишаётганда кўришган. Шуниси қизиқки, Кэмерон ов қилаётган жой Скотланд-Ярд томонидан қуршаб олинган эди, дея хабар беради Metro.
Дэвид Кэмерон доим овга ишқивоз бўлиб келган, айниқса, бош вазир бўлгандан кейин буғу овлашни одат қилиб олганди. Бироқ у ўзининг севимли ишини омма кўз ўнгида қилмас эди. Бош вазирнинг жониворларга қарата ўқ узганлиги сиёсий журналист Алан Кокрейн мақоласидан сўнг жамоатчиликка маълум бўлди.
Кокрейннинг ёзишича, Кэмерон овга уни қўриқлаб туришлари учун атайлаб полиция гуруҳини таклиф қилган. Унинг сўзларига кўра, сиёсатчи бир нечта каптарни отган. "Бу унинг обрўсига жиддий путур етказиши мумкин”, - деб ёзмоқда журналист.
Кэмерон ҳозирча Кокрейн мақоласига ўз муносабатини билдиргани йўқ.
