Грециялик ва голландиялик ғаввослар, Ўрта ер денгизи тубида умумий миқдори икки тоннага тенг пластик чиқиндиларга дуч келишди, деб хабар берди Еuronews.com. нашри.
Ахлат уюми сув ости ҳайвонот ва наботот оламига катта хавф солмоқда. Агар денгиз туби вақтида тозаланмаса,бу жониворларнинг қирилиб кетишига олиб келиши мумкин. Чиқиндиларнинг катта қисмини балиқ овлаш учун мўлжалланган пластик мосламалар ташкил этади. Ҳозирда ахлат уюмини юқорига олиб чиқиш чоралари кўрилмоқда.
