“Ўзбекистон темир йўллари” акциядорлик жамияти томонидан барпо этилган Ангрен темир йўл вокзали фойдаланишга топширилгани ҳақида хабар берган эдик.
Эндиликда ушбу вокзалда хизмат кўрсатиладиган Тошкент-Ангрен-Тошкент йўналишида электропоезд қатнови ҳам йўлга қўйилди. Бу ҳақида жамият матбуот хизмати хабар бермоқда.
Жорий йил 12 июндан йўловчиларга хизмат кўрсатаётган мазкур шаҳарлараро электропоезди ҳар куни 18:30 да Тошкент Жанубий темир йўл вокзалидан, эрталаб07:09 да эса Ангрен темир йўл вокзалидан жўнайди.
Эътиборли жиҳати шундаки, ушбу поезднинг йўл ҳақи Ангрен шаҳри аҳолиси билан келишилган ҳолда арзон нархларда белгиланди. Йўналиш вақти 2 соат, нархи 5.000 сўм.
Мазкур поезд Тўйтепа, Озодлик, Оҳангарон, Аблик бекатларида ҳам тўхтаб ўтади.