Марказий ҳарбий округига қарашли ”Фориш” тоғ полигонида Ўзбекистон-Буюк Британия Қуролли Кучлари вакиллари билан ҳамкорликдаги тактик машғулотлар ўтказилмоқда. Бу ҳақда Марказий ҳарбий округ матбуот хизмати маълум қилди.
Унда Буюк Британия Қуролли Кучларидан ташриф буюрган 30 нафардан зиёд ҳарбийлар ҳамда Ўзбекистон махсус операция кучлари бўлинмалари иштирок этмоқда.
14 июн кунидан бошланган ушбу ҳамкорликдаги ўқувларда шаҳар ва чўл ҳудудида шартли душман ўрнашган бино ёки жойга секция ва гуруҳ таркибида кириб бориш, қуршаб олиш, ҳужумга ўтиш тактикаси кўриб чиқиляпти.
Шунингдек, машғулотларда Буюк Британиянинг Ўзбекистон элчихонасидаги ҳарбий атташеси подполковник Эндрю Стреффорд ва Максим Кудрясев, малакали йўриқчилар Куртис Кане, Панкин Брентобин ва бошқалар қатнашмоқда.
Мазкур қўшма машғулотлар 28 июн кунига қадар давом этади.
