Markaziy harbiy okrugiga qarashli ”Forish” tog` poligonida O`zbekiston-Buyuk Britaniya Qurolli Kuchlari vakillari bilan hamkorlikdagi taktik mashg`ulotlar o`tkazilmoqda. Bu haqda Markaziy harbiy okrug matbuot xizmati ma`lum qildi.
Unda Buyuk Britaniya Qurolli Kuchlaridan tashrif buyurgan 30 nafardan ziyod harbiylar hamda O`zbekiston maxsus operasiya kuchlari bo`linmalari ishtirok etmoqda.
14 iyun kunidan boshlangan ushbu hamkorlikdagi o`quvlarda shahar va cho`l hududida shartli dushman o`rnashgan bino yoki joyga seksiya va guruh tarkibida kirib borish, qurshab olish, hujumga o`tish taktikasi ko`rib chiqilyapti.
Shuningdek, mashg`ulotlarda Buyuk Britaniyaning O`zbekiston elchixonasidagi harbiy attashesi podpolkovnik Endryu Strefford va Maksim Kudryasev, malakali yo`riqchilar Kurtis Kane, Pankin Brentobin va boshqalar qatnashmoqda.
Mazkur qo`shma mashg`ulotlar 28 iyun kuniga qadar davom etadi.
