Бугун, 10 декабрь куни Перунинг “Спорт Акуилла” клуби футболчиси яшин уришидан жароҳат олди. Ҳодиса мамлакат кубоги ўйини вақтида юз берган, дея хабар беради lenta.ru нашри.
Ўйиннинг иккинчи тайми бошланишидан аввал, ёмғир ёғиб, момақалдироқ гумбурлай бошлаган. Айнан ана шу вақтда футболчи Жоао Контрерасни яшин урган.
Ўйин зудлик билан тўхтатилиб Жоао шифохонага олиб кетилган. Айни дамда спортчи оғир аҳволда, шифокорлар унга оёқнинг учинчи даражали куйиши ташхисини қўйишган.
Бундан ташқари, яшин уришидан яна бир нафар футболчи ва ҳакам ҳам жабр кўрганлиги хабар қилинмоқда.
