Осиёнинг икки иқтисодий гиганти Япония ва Жанубий Корея тўлақонли савдо уруши ёқасида турибди. Экспертларнинг фикрича, икки давлат ўртасидаги можаро Осиё минтақаси иқтисодиётига салбий таъсир этиши ҳақида огоҳлантиришмоқда. Бу ҳақда Еuronews.com. нашри хабар берди.
Айни дамда Япония ҳукумати Жанубий Кореяни юқори технологияли маҳсулотлар ва технологияларнинг ўзини эркин сотиб олувчи давлатлар рўйхатидан чиқариб юборди. Бундан аввалроқ эса Токио ярим ўтказгичлар ишлаб чиқариш учун зурур бўлган қатор кимёвий компонентларнинг экспортига бир томонлама чеклов жорий этган эди. Бунинг расмий сабаби сифатида Япония ҳукумати Жанубий Кореяни айрим маҳсулотларни Шимолий Кореяга етказиб бераётганликда гумон қиляпти. Бироқ экспертлар бу шунчаки баҳона эканлиги Сеул ва Токио ўртасидаги келишмовчилик анча олдин бошлангани таъкидлашмоқда.
Жорий йилда Жанубий Корея суди Nihon Steel, Fujikoshi Corporation ва Mitsui Havy Industries каби йирик япон компанияларини Иккинчи жаҳон уруши даврида корейс фуқароларини мажбурий меҳнатга жалб этгани ва бунинг учун уларнинг оила аъзоларига компенсация тўлаши зарурлиги тўғрисида ҳукм чиқарган эди. Бу эса расмий Токио норозилигига сабаб бўлмоқда. Ушбу можарода ким ҳақ эканлигини айтиш мушкул, бироқ иқтисодчилар икки томон савдо муносабатларининг кескинлашуви нафақат Япония ва Жанубий Корея иқтисодиётида катта йўқотишларга балки бутун Осиё минтақаси иқтисодига жиддий таъсир этиши ҳақида айтишмоқда.
