Эртага, 9 октябрь куни Ўзбекистон миллий терма жамоаси Қувайт терма жамоаси билан ўртоқлик учрашувида майдонга тушади. Мазкур ўйин олдидан МТЖ бош мураббийи Фабио Каннаваро иштирокида матбуот анжумани бўлиб ўтди.
Фабио Каннавро матбуот анжуманида ҳар бир учрашув қийин бўлишини, шу сабаб доимо футболчиларга ҳатокки ўртоқлик учрашувларида максимал тайёргарлик кўриш кераклигини айтиб ўтди. Шунингдек, у йиғинга чақирилган футболчилар ҳақида ҳам фикр билдирди.
“Бу футболчилар мен томонимдан чақирилмаган бўлса-да, ҳозирда энг яхши ҳолатдаги ўйинчилар шу ерда”, дейди мураббий.
Каннаваро йиғинга жалб этилган икки футболчи унинг таклифи эканлигини яширмади.
“Барча учрашувларни кўриб чиқдим ва Турғунбоев ва Эшмуродовни таркибга чақириш кераклигини айтдим. Терма жамоа ҳар бир футболчилар орзуси. Афсуски, таркибда икки нафар футболчимиз ҳам жароҳат олди”, дейди у.
Терма жамоа мураббийи тактик услублар ҳақида гапирар экан уч марказий ҳимоячи билан ўйнаш ҳимоявий кўринса-да, аслида ҳужум бошлашда тезкорликка эришишга имкон беришини айтиб ўтди.
“Тимур Кападзе билан биргаликда иш олиб боряпмиз, ўйин фалсафаларимиз ўхшаш. У ўзбек футболи улкан тажрибага эга. Менда маҳаллий мутахассис билан ишлаш борасида ҳеч қандай муаммо йўқ. Балки штабга яна бошқа маҳаллий мутахассисларни ҳам жалб этишимиз мумкин”, дейди Каннаваро.
