Англия футбол клуби “Астон Вилла” ҳужумчиси Даррен Бентнинг иккита автомобилини ўғирлаб кетишди. Birmingham Mailнинг ёзишича, машиналарнинг умумий нархи 150 минг фунт стерлингни ташкил этади.
Воқеа 13 декабр куни 03:00лар атрофида содир бўлган, бироқ бу ҳақда эндигина маълум бўлди. Жиноятчилар футболчининг Литтл Эстон шаҳридаги уйига киришади ва Audi RS 6 ҳамда Range Rover машиналарининг калитини топишади. Улар автомобилларни олиб номаълум йўналиш бўйлаб йўлга чиқишади.
Воқеа жойига етиб келган поилция ходимлари синдирилган ойна ва қулф қолдиқларини топишган. Улар айни пайтда машиналарни ҳамда жиноятчиларни қидиришмоқда.
Даррен Бент “Р-спорт”нинг қайд этишича, айни вақтда иккинчи дивизион вакили “Брайтон энд Хоув” шарафини ижара асосида ҳимоя қилмоқда. Лондоннинг “Тоттенхэм” клуби собиқ ҳужумчиси Англия терма жамоасида 13 та ўйин ўтказган.
