Португалиялик футболчи Криштиану Роналдуга атаб ўзи туғилган Мадейра оролида ҳайкал ўрнатилди. Унинг баландлиги 2,4 метрни ташкил этади. Ҳайкалнинг очилиш маросимида футболчининг шахсан ўзи ҳам иштирок этди. Бу ҳақда Sports.uz'га асосланиб, Uz24 хабар берди.
- Ушбу тантанада иштирок этиш – мен учун шараф. Аммо ростини айтишим лозим, ўзим аслида тирик инсонларга ҳайкал қўйилишини унчалик хушламайман. Шундай бўлса-да, ҳозир фахр туйғусини ҳис этяпман, - деди у.
Таъкидлаб ўтамиз, мазкур оролда футболчининг музейи ҳам очилган.
