Бразилия телевидениесида эфирга берилаётган жонли тарздаги телешоуларнинг бирида антиқа ҳодиса юз берди.
Маълумотларга кўра, Янги йилга бағишланган ушбу телешоуда иштирок этган бир болакай ҳаётидаги энг катта орзуси футболчи Давид Луис билан учрашиш эканини, келажакда худди унга ўхшаган футболчи бўлиш истагида экани ва агарда уни кўриб қолса, уни бир марта бўлса-да қучоғига босишини исташини айтган.
Шундан сўнг кутилмаганда, болакайнинг кўзларини боғлашган. Бир неча дақиқадан сўнг кўзларидаги тасма ечилган болакайнинг қаршисида унинг орзуидаги инсони, футболчи Давид Луис пайдо бўлган. Уларнинг таъсирли учрашуви видеотасмаларга олиниб, интернет нашрлари орқали бутун дунёга ҳавола этилган. Учрашув чоғида хатто футболчининг ўзи ҳам ўзини кўз ёшдан тўхтата олмаган.
Телешоу ташкилотчиларининг илтимосларига кўнган ва болакайнинг орзусининг ушалиши учун ташриф буюрган Давид Луисга барча ўз миннатдорчилигини билдирган. Бу ҳақда day.az нашри хабар беради.
