Супер оғир вазн тоифасининг енгилмай келаётган боксчиларидан бири, британиялик Тайсон Фьюри айни вақтда украиналик мутлоқ жаҳон чемпиони Владимир Кличкога тегишли WBO йўналишидаги чемпионлик камарига асосий даъвогар бўлиб турибди.
IBF, WBA, WBO, IBO таснифлари чемпиони Владимир Тайсонга қарши жангдан бош тортгани учун WBO олтин камаридан айрилиши мумкин.
Кличко 2015 йилнинг куз фаслида Фьюрига қарши ўтказилиши режалаштирилган жанг борасида бирорта фикр билдирмади. Тайсоннинг промоутери Френк Уореннинг сўзларига кўра, Владимирнинг жамоаси улар билан умуман алоқага чиқаётгани йўқ.
