Қатарнинг Доҳа шаҳрида оғир атлетика бўйича ўсмирлар ўртасида ўтказилган Осиё чемпионатида ўзбекистонлик ёш спортчилар 3 кумуш ва 6 бронза медални қўлга киритди, дея хабар бермоқда ЎзА.
Нуфузли мусобақа ғолиб ва совриндорларини Тошкент халқаро аэропортида Ўзбекистон оғир атлетика федерацияси вакиллари, спорт жамоатчилиги, оммавий ахборот воситалари ходимлари кутиб олди.
Осиё чемпионатида дунёнинг йигирмага яқин давлатидан 200 нафардан зиёд спортчи баҳслашди. Унда Ватанимиз шарафини ҳимоя қилган Суннатилла Шокиржонов, Фарҳод Собиров, Азимжон Ғаниев, Шаҳзод Худойберганов, Даврон Кенжаев, Жўрабек Зоиров каби спортчилар ғолиб ва совриндорлар қаторидан жой олди.
– Чемпионатда муносиб иштирок этганимдан хурсандман, – дейди С.Шокиржонов. – Келгуси мусобақаларда юртимиз шарафини янада юксалтириш – бизнинг фарзандлик бурчимиз.
06.01.2015 11:43
