“Барселона” ҳужумчиси Лионель Месси инстаграмдаги аккаунти орқали “Челси” жамоасининг икки футболчиси, Тибо Куртуа ҳамда Фелипе Луис билан “дўстлашди”. У шунингдек, жамоанинг расмий аккаунтига ҳам обуна бўлган. Бу эса, унинг шу ойдаёқ “аристократлар” сафига ўтиб кетиши бўйича хабарлар тарқалишига сабаб бўлди.
Бу эҳтимолий трансферга яна бир асос сифатида, Месси ва “Барселона” мураббийи Луис Энрикенинг муносабатлари ёмонлашгани ҳам эслаб ўтилмоқда.
Қолаверса, бироз олдинроқ Месси билан аввалги мавсумларда “Барселона” сафида тўп сурган, ҳозирда “Челси”нинг асосий футболчисига айланган Сеск Фабрегас ҳам уни Лондонга келишга даъват этганди.
Шунингдек, матбуотда Лондон жамоасининг Месси учун “Барселона”га 200 миллион фунт стерлинг таклиф қилгани, футболчининг ўзи эса инглиз-тилини ўрганаётгани ҳақида ҳам хабарлар чиққан эди.
manba: kun.uz
