Тошкент шаҳар архитектура ва қурилиш бош бошқармасининг UZ24 га маълум қилишича, ҳозирда техномарказни бошқа жойга кўчириш масаласи кўриб чиқилмоқда. Техномарказнинг кўчирилиши аҳоли ва ҳайдовчиларнинг норозиликларига сабаб бўлаётган мазкур мажмуа атрофида юзага келувчи тирбандликлар билан боғлиқдир.
Бошқарма мажмуанинг айнан қаерга ва қачон кўчирилиши ҳақида маълум қилмаган.
Эслатиб ўтамиз, “Флешка” техномаркази 2011 йилда Навоий кўчасидан ҳозирги жойга кўчирилган эди. Собиқ ҳудудда айни пайтда замонавий турар жой бинолари қад ростлаган.
Шунингдек, ўтган йилнинг бошида тасдиқланмаган хабарларга кўра, мажмуа Чорсудаги “Тошкент” савдо марказига кўчирилиши мумкинлиги айтилган эди.