Қорақалпоқ заминидан азалдан бетактор истеъдодлар ватани бўлиб келган. Ўзбекистонда хизмат кўрсатган артист Женисбек Пиязов ҳам ана шундай иқтидорли ёшлардан бири. Женисбек билан суҳбатимиз концерт бериш Қозоғистоннинг Остона шаҳрига жўнаб кетаётган пайтига тўғри келди...
- Одатда опера хонандалари хийла гавдали бўлишарди.
- Тўғри, анча озғинман (кулади). Лекин сизнинг фикрингизга қўшилолмайман. Овоз билан инсоннинг вазни ўртасида бирор боғлиқлик бор деб ўйламайман...
- Операнинг ихлосмандлари эстрада ё бошқа йўналишларнинг мухлисларига нисбатан камчиликни ташкил этади.
- Инсон ўзи хоҳлаган, ўзи тўғри деб билган йўлдан бориши керак. Шахсан мен эстрада йўналишида ҳам, ҳатто реп, рок йўналишларида ҳам куйлаб кўрдим. Лекин ўзимни операда топдим. Устозларим ҳам шу йўлни маслаҳат беришди...
-Сиз ўзингизга кўзлаган чўққини забт эта олдингизми ё ҳали олдинда бундан ҳам катта режалар борми?
-Ойни кўзласанг чўққига чиқасан, дейишади. Аввал, шу қадар юксак мукофотларга лойиқ кўрилганим учун муҳтарам Юртбошимиздан миннатдорман. Бу ишончни оқлаш учун, юртимиз шон-шарафини янада юксакларга кўтаришим учун ҳали кўп изланишим лозим. Жаҳонда машҳур “Метрополитен”, "Ла Скала” опера театрларида концерт бериш ниятим бор.
Суҳбатнинг тўлиқ матнини “Даракчи” газетасининг 3-сонида ўқишингиз мумкин!
