30-октябрь куни соат 00.20 да Яшнобод туманидаги Фарғон йўли кўчасида “Нексия” русумли автомобиль ҳайдовчиси 33 ёшли Салим Р. 27 ёшли Акрамжон Ч. бошқариб борган “Матиз” русумли автомобиль билан тўқнашган. Тўқнашув натижасида “Матиз” русумли автомобиль қарама-қарши йўлакдан ҳаракатланиб борган 35 ёшли Ахролбек Ю. бошқарувидаги “Спарк” русумли автомобилга тўқнашган.
ЙТҲ натижасида Акрамжон Ч. тан жароҳатлари билан тиббий ёрдам учун мурожаат қилган. "Матиз" русумли автомобиль йўловчиси 19 ёшли Даниел А. олган тан жароҳатлари оқибатида воқеа жойида ҳаётдан кўз юмган.
Тошкент шаҳар ички ишлар бош бошқармаси матбуот хизмати маълум қилишича, ЙТҲнинг тахминий сабаби: “Нексия” русумли автомобиль ҳайдовчиси светофорда тўхтаган “Матиз” русумли автомобилга бориб тўқнашган.
