Бугун аёллар ўртасидаги саралаш баҳслари ҳам бошланди. Икки нафар ҳамюртимиз биринчи босқич учрашувида кортга чиқади. Биринчи рақамли теннисчимиз Нигина Абдураимова туркиялик Кагла Буюкакчай, Оқгул Омонмуродова эса украиналик Надья Киченок билан ҳисоб-китоб қилади. Бу ҳақда olamsport.com хабар беради.
Эслатиб ўтамиз, эркаклар ўртасидаги Австралия Очиқ чемпионатининг асосий тўр баҳсларида биргина вакилимиз Денис Истомин иштирок этади.
Мельбурн шаҳрида “Улкан Тож” туркумига кирувчи йилнинг тўртта турниридан дастлабкиси – Австралия Очиқ чемпионатининг саралаш баҳслари давом этмоқда. Хабар берганимиздек, мамлакатимизнинг иккинчи ракеткаси Фаррух Дўстов кеча саралашнинг илк босқичидаёқ мағлубиятга учраб, ўз иштирокини муддатидан анча аввал тўхтатганди.
