АсосийJamiyat

Бугун 4 ёшли бола ёнғиндан қутқариб олинди

'Бугун 4 ёшли бола ёнғиндан қутқариб олинди'ning rasmi


2019 йилнинг 7 ноябр куни Навоий шахар ФВБ ЁХБ навбатчилик қисмига М.Таробий кўчасида жойлашган кўп қаватли уйнинг ошхонасида ёнғин юз бергани тўғрисида хабар келиб тушган. Бу ҳақида ФВВ матбуот хизмати маълум қилди.
Хабар олингач, бошқарма қутқарувчилари 1 та қутқарув ва 2 та ёнғин ўчириш техникалари билан воқеа жойига зудлик билан етиб боришди.
Ёнғин ўчириш автонарвони тўртинчи қаватга ўрнатилиб, махсус гидравлик қайчи ёрдамида хонадоннинг темир панжаралари кесиб олинди ва аланга ичида қолган 4 ёшли болакай қутқарувчилар: Х.Ҳақбердиев, Ғ.Ражабов Б.Элмуродов, Ф.Халимовлар томонидан қутқариб олинди.
Кўрилган тезкор ҳаракатлар натижасида ёнғин тўлиқ ўчирилган. 2015 йилда туғилган Мирзиё Фаррух ўғли соғ-саломат ота-онасига топширилди.
Ёнғин келиб чиқиш сабаби ва моддий зарар аниқланмоқда.

Бошқа янгиликлар