Андижонда хориж технологияси асосида спорт оёқ кийимлари ишлаб чиқаришни йўлга қўйиш режалаштирилмоқда. Бу ҳақда НИА “Туркистон-пресс” хабар бермоқда.
Шу муносабат билан “RubberTrustandEvaProducts” ўзбек-хитой корхонаси кроссовка, кеда ва бошқа спорт оёқ кийимларини ишлаб чиқариш учун замонавий қурилмалар ўрнатишни режалаштирган. Бу Андижон туманидаги ёшлар учун 50та иш ўрни яратиш имконини беради.
Қўшма корхона 3 йилдан буён маҳаллий хомашёдан замонавий Хитой ҳамда Тайван ускуналари ёрдамида 15 хил турдаги оёқ кийимлар ишлаб чиқармоқда. Корхона ишлаб чиқариш учун ажратган сармояси 100 минг долларни ташкил этади.
