АҚШнинг Калифорния штати Санта-Клара шаҳридаги мактабда отишма юз берди. Сўнгги маълумотларга кўра, отишма натижасида 2 киши ҳалок бўлган ва 3 киши жароҳатланган. Барча жабрланувчилар 14-16 ёшдаги болалар. Бу ҳақда CNN хабар тарқатди.
Отишмани уюштиришда шу куни 16 ёшга тўлган мактаб ўқувчиси гумонланяпти. Ўсмир оғир аҳволда шифохонага етказилган.
Полициянинг маълум қилишича, у аввал бошқаларга ўқ узган кейин эса ўзини отган. Ўсмир йигит нега бундай қилгани ҳозирча номаълум.
