«Менга умр берган Оллоҳнинг кўрсатмаларига амал қиламан»: икки йил олдин Нью-Йоркда теракт содир этган Сайфулла Соипов суд олдида жавоб берди

2017 йилнинг 31 октябрь куни Нью-Йоркда юк машинаси Манхеттен ҳудудининг жануби-ғарбий қисмидаги велосипед йўлига чиқиб, 8 кишининг умрига зомин бўлган, яна 12 киши жароҳат олган.

18 ноябрь куни ўзини ИШИД жангчиси деб атаган Сайфулла Соипов Нью-Йоркнинг жанубий округининг туман судида судья Вернон С. Бродерик олдида жавоб берди, деб ёзади New York Post.

Хабар қилинишича, суд Соиповни содир этган жинояти учун жазолаш тўғрисида қарор чиқариши керак бўлган суд ҳайъати масаласини кўриб чиқилган - Нью-Йорк прокурорлари у учун ўлим жазосини сўрайдилар, дея хабар беради “Новости Узбекистана”.

Манҳеттен федерал адвокати Метю Ларошнинг айтишича, ҳукумат махсус сўровномалар юбориладиган 3000 нафар номзоддан иборат ҳакамлар ҳайъатини танлашни режалаштирмоқда. Соипов устидан суд маҳкамаси олдидаги якуний суд мажлиси келаси йилнинг 13 апрелида бошланиши керак.

Шу билан бирга, ушбу суд мажлисида Соипов туман судясини ҳурмат қилмаётганини, у унга алоқадор қарор қабул қилишга ҳақли эмаслигини айтди: «Менга ҳаёт берган Аллоҳнинг кўрсатмаларига амал қиламан”.

Соипов судья Вернон С. Бродерикка савол бера бошлади:

Сиз бу ерда саккизта ҳалок бўлган учун ҳукм қиляпсиз. Нима учун мингминглаб мусулмонлар учун жавобгар бўлганлар- Америка бомбалари остида ҳалок бўлган аёллар ва болаларнинг ўлими учун жавобгарларни суд қилмаяпсиз?

Бироқ, Бродерик Соиповни тўхтатиб, шундай деди:

Сиз менинг обрўимни тан олмаслигингизни тушунаман, аммо ҳозир сиз томондан бирон бир баёнот бериш вақти ва жойи эмас.

Кейинги суд мажлиси 20 ноябрь куни бўлиб ўтади.

Эслатиб ўтамиз, 2017 йилнинг 31 октябрь куни Нью-Йоркда юк машинаси Манхеттен жануби-ғарбий қисмида велосипед йўлига чиқиб кетган, оқибатда 8 киши ҳалок бўлган, яна 12 киши жароҳатланган. Юк машинаси ҳайдовчиси террорчиликда айбланган ўзбекистонлик Сайфулло Соипов эди. Ноябрь ойи охирида Соипов судга келиб, айбини тан олмади.

Соипов 31 ёшли ўзбекистонлик муҳожир. У ҳужумдан сўнг дарҳол ҳибсга олинган ва кўплаб мамлакатларда тақиқланган ИШИД террорчилик гуруҳи содир бўлган воқеалар учун жавобгарликни ўз зиммасига олган. Қурбонлар сони бўйича ушбу теракт Нью-Йоркдаги 11 сентябрь фожиасидан сўнг энг каттаси бўлди.