Евгений Козак: “Нафақат Тошкент шаҳри балки, барча вилоятлардаги сайлов участкаларини кўздан кечирмоқчимиз”

ЖАМИЯТ 04.12.2019, 14:00
Теглар: Сайлов, Фарғона
Евгений Козак: “Нафақат Тошкент шаҳри балки, барча вилоятлардаги сайлов участкаларини кўздан кечирмоқчимиз”

Мустақил давлатлар ҳамдўстлигининг (МДҲ) ижроия қўмитаси узоқ муддатли кузатувчилар миссияси аъзоси Евгений Козак Фарғона вилоятида сайловларга тайёргарлик билан танишди.

“Янги Ўзбекистон, янги сайловлар” шиори остида бўлиб ўтаётган сайловларга вилоятда ҳам қизғин ҳозирлик кўрилмоқда. Ҳозирда вилоятда Олий Мажлис Қонунчилик палатасига сайлов ўтказувчи 17 та, халқ депутатлари вилоят Кенгашига сайлов ўтказиш бўйича 60 та, туман ва шаҳар Кенгашларига сайлов ўтказувчи 567 та округ сайлов комиссияси ҳамда 1 минг 51 та сайлов участкалари ташкил этилган. Уларнинг фаолият юритиши учун барча шароитларга эга замонавий бинолардан жой ажратилган.

Халқаро кузатувчи Олий Мажлис Қонунчилик палатасига сайлов ўтказувчи 111-Фарғона сайлов округи, Фарғона шаҳридаги 710, 673 ҳамда Фарғона туманидаги 784-сайлов участкаси фаолияти билан танишди.

– Миссиямиз давомида сайловни ўтказишга масъул бўлган округ ва участка комиссияси аъзолари билан суҳбатлашяпмиз, – дейди Евгений Козак. – Нафақат Тошкент шаҳри балки, барча шаҳар ва туманлардаги сайлов участкаларини кўздан кечиришни мақсад қилганмиз. Шуни айтишим мумкинки, сайлов участкаларида аъло даражада тайёргарлик ишлари олиб борилмоқда. Барча участкалар сайловга тайёр ҳолатда. 2016 йилда ҳам Ўзбекистондаги сайловда иштирок этганман. Бу йилги сайловларни янги қабул қилинган Сайлов Кодекси асосида ташкил этилаётгани ҳам Ўзбекистонда сайлов тизимининг очиқ, ошкора ва демократик тамойилларга тўла мос келишига хизмат қилади.

Халқаро кузатувчи округ ва участка сайлов комиссияларининг таркиби, фаолияти, номзодларнинг сайловолди ташвиқоти тадбирлари, уларга қонунчилик талаблари асосида тенг шароитлар яратиб бериш масалалари ҳамда сайлов жараёнини бошқаришда ахборот тизими, сайловчиларнинг ягона электрон рўйхати билан қизиқди. Кузатувчига вилоятда бу борада олиб борилаётган ишлар ҳақида сўзлаб берилди.

Шарҳлар

Шавкат Мирзиёев Путинни сайловдаги ғалабаси билан табриклади

18.03.2024, 10:51

Ўзбекистон Республикаси Президенти Шавкат Мирзиёев Россия Федерацияси Президенти Владимир Путинни бўлиб ўтган Президент сайловида қозонган ишончли ғалабаси билан табриклади. Бу ҳақда Президент матбуот хизмати хабар...
Фарғонадаги экин даласига янги туғилган чақалоқ ташлаб кетилди (видео)

04.11.2023, 12:37

Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
Фарғонада машина ойналарини синдириб ташлаган шахс узр сўраб чиқди ва у жавобгарликка тортилди (видео)

03.08.2023, 09:23

Куни кеча ижтимоий тармоқларда эркак ўзганинг машинасини катта кўчада тош билан уриб, машинанинг ойналарини синдириб, пачоқлаб ташлагани акс этган видео тарқалди.Маълум бўлишича, фуқаро Ш.С. “Яндекс”...
Фарғонада 4 нафар эркак бир аёлни уриб, жинсий тажовуз қилгани аниқланди(видео)

16.07.2023, 21:49

Интернет ижтимоий тармоқларда Бешариқ туманида оилали, икки нафар фарзандли аёлни тўрт нафар эркак зўрланганлиги ҳақидаги видеохабарлар тарқалди. Ҳолат Фарғона вилояти ИИБ томонидан ўрганиб чиқилди.Маълум бўлишича,...
Об-ҳаво: Тошкент
Валюта курси
1