Бугун Халқаро пресс-клубнинг дебатлар залида матбуот анжумани бўлиб ўтди. Учрашувни Халқаро пресс клуб бош продюсери Ғуломжон Самадов Ўзбекистон Республикаси президенти Шавкат Миромонович Мирзиёевга таалуқли қизиқарли фактлар билан бошлади. Унинг келтиришича, президент Ш.Мирзиёев сўнгги 3 йилда:
- 37 та давлат ташрифларини амалга оширди (умумий ҳисобда 61 та давлат ташрифлари бўлиб, шундан 24 тасида бошқа мамлакатлар президентлари юртимизга келган);
- 120 дан ортиқ олий даражадаги музокаралар олиб борган (500 дан ортиқ ўта муҳим битимлар имзоланган);
- 86 та мамлакатга визасиз режим жорий қилган (унгача уларнинг сони 9 тани ташкил этган);
- Умумий ҳисобда 27 кун вақтини парвозда ўтказган;
- 41 000 км.ли экватор чизиғини 13 марта айланиб чиққан.
