Аввал хабар берганимиздек, Ахборот ва оммавий коммуникациялар агентлигида Мажбурий ижро бюроси ва Марказий банк масъул ходимлари томонидан брифинг ташкил этилди.
Унда “Аҳмадбой” номи билан машҳур Аҳмаджон Турсунбоевга фуқаролар томонидан берилган пуллар ва мол-мулкларнинг умумий қиймати 386 миллиард сўмни ташкил этгани айтилди.
Шунингдек, унинг хатланган мол-мулки ва айни пайтда аниқланган қарздорликларнинг қай тартибда ундириб берилаётгани бўйича маълумот берилди.
“Айни пайтга қадар ушбу ижро ҳужжатига кўра, Аҳмаджон Турсунбоевдан жарбланганлар сони 11 710 нафарни ташкил этмоқда. Тергов органлари томонидан Аҳмад Турсунбоевнинг 29 турдаги кўчмас мулки, 8 турдаги автотранспорт воситаси, заргарлик буюмлари, чорва моллари давлат ҳисобига хатланган бўлиб, шулар ҳисобидан фуқароларга етказилган зарар қопланиши амалга оширилмоқда.
Хатланган мазкур мулкларни бугунги кундаги бозор нархи бўйича қайта баҳолатиш мақсадида баҳоловчи ташкилотларга мурожаат қилинган. Айрим мол-мулклар эса аллақачон баҳоланган ва аукцион савдоларига чиқарилган. Қолган буюмларнинг ҳам баҳолаш хулосаси олингач, тегишли тартибда аукционга қўйилади
Айни пайтда 12 минг нафарга яқин зарар кўрган одамнинг рўйхатини шакллантирганмиз. Ауксиондан тушган пул МИБга юборилиши билан уч кун ичида фуқароларнинг пластик карталарига пуллар ўтказиб берилади. Ҳозир бизга мурожаат қилаётганларнинг аксариятида пластик карта йўқлиги боис банклар билан келишган ҳолда пластик карталарни бепул очиб бериш чораларини кўряпмиз. Шунга кўра, 920 нафар фуқаро учун банкка пластик карта буюртма қилинган.
Ҳозир ҳам мурожаатлар давом этяпти, аризалар қабули ҳали тўхтагани йўқ” —МИБнинг Тошкент вилояти бошқармаси бошлиғи ўринбосари Бекзод Менглиевнинг сўзларини келтирмоқда брифингда иштирок этган “darakchi.uz” мухбири
Шунингдек, маълум қилинишича, агар фуқаролар Аҳмад Турсунбоевга хорижий валютада пул берган бўлса, мазкур зарар хорижий валютанинг бугунги кундаги курси бўйича ҳисоблаб қайтарилади. Сўмда берилган пуллар эса ўша вақтдаги миқдор бўйича қайтарилади.
21.09.2021, 11:51
Наманганда туман МИБ раҳбари фуқарони ўқишга киритиб қўйишини айтиб пора билан қўлга тушди.Бу ҳақда ДХХ матбуот хизмати "Даракчи"га хабар берди.Маълум бўлишича, Наманган вилоятидаги туманлардан бирининг...
06.08.2021, 18:19
Бу ҳақда АОКАда Бош прокуратура ҳузуридаги Мажбурий ижро бюроси раҳбарияти иштирокида ўтказилаётган матбуот анжуманида маълум қилинди.Ижтимоий аҳамиятга эга бўлган ижро ҳужжатлари бўйича тизимли ишлар амалга...
26.07.2021, 13:11
МИБда жорий йилда ундирув кўрсаткичи ўтган йилнинг шу даврига нисбатан 6,3 трлн сўм ёки 2 баробарга ўсди. Бу ҳақда АОКАда бўлиб ўтган брифингда Мажбурий ижро...
05.05.2021, 17:32
Аввалроқ, ижтимоий тармоқларда "Тойлоқ туманида МИБ ва ИИБ ходимлари одамларни уйларини бузишаяпти" сарлавҳаси остида видеолавҳа эълон қилинганди.Мажбурий ижро бюроси Самарқанд вилоят бошқармасининг маълум қилишича, фуқаролик...
