Ўзбекистоннинг биринчи ракеткаси Денис Истомин Франциянинг Монпелье шаҳрида асосий тўр баҳслари старт олган йирик теннис турнирида иштирок этади, дея ёзади olamsport.com.
Истомин илк даврада тунислик Малик Жазерига қарши кортга чиқадиган бўлди. Денис Монпелье турнирида 6-рақам остида таснифланган. Бу баҳс бугун Тошкент вақти билан соат 19:00да бошланади.
Эслатиб ўтамиз, АТР Open Sud de France турнирининг мукофот жамғармаси 494 минг 310 еврони ташкил қилади. Денис Истомин ўтган йили ҳам ушбу турнирда иштирок этганди.
Истомин худди яккаликда бўлгани каби жуфтликлар баҳсида ҳам 6-рақам остида таснифланган. У россиялик Александр Кудрявцов билан бирга илк даврада турнирнинг биринчи рақамли жуфтлиги – Доминик Инглот (Британия) ҳамда Мергеа Флорин (Руминия) тандеми билан ҳисоб-китоб қилади. Бу ўйин эса Тошкент вақти билан соат 22:30га белгиланган.
