Самарқандда JV MAN Auto-Uzbekistan томонидан ишлаб чиқарилган янги МАN А22 русумли автобуслар Ислом Каримов номидаги Тошкент халқаро аэропорти вакилларига топширилди.
Йўловчиларга хизмат кўрсатишни яхшилаш мақсадида янги паст қаватли автобуслар сотиб олинди. JV MAN Auto-Uzbekistan томонидан ишлаб чиқарилган автобуслар энди йўловчиларни аэропорт терминалидан тўғридан-тўғри самолётга ва аксинча етказиб беради.
МАN А22 русумидаги автобуслар узунлиги 12 метр бўлган МАN шассиси асосида ишлаб чиқарилади. Автобуснинг пастки қавати ва «эгилган» тизими йўловчиларга кириш ва чиқиш учун қўшимча қулайликлар яратади, кондиционер ва иситиш тизими йил давомида автобус салонида қулай ҳароратни таъминлайди.
Автобуснинг енгил алюминий кузови йўл сирти учун юкни камайтиради ва автобуснинг ишлаш муддатини узайтиради. Корпуснинг кенг ўлчамлари бир қатновда 100 тагача йўловчини ташиш учун кенг жой беради.
Таъкидлаш жоизки, ушбу автобусларнинг етказиб берилиши JV MAN Auto-Uzbekistan ва Тошкент халқаро аэропорти ўртасидаги ҳамкорликнинг янги йўналиши ҳисобланади. Компания йўловчилар ташишни ривожлантиришда республиканинг бошқа халқаро аэропортлари билан ҳамкорлик қилиш имкониятини яратиб, йўловчилар логистикаси учун юқори даражадаги қулайлик ва хавфсизликни таъминлайди.
