Маҳзун, сокин тароналарни ҳам, шўҳ-шодон қўшиқларни ҳам маромига етказиб ижро этувчи, ўзига ҳос ёкимли овозга эга Умида[он, тез орада янги қўшиқ ва видеоклип премьерасини тақдим этади, деб ёзади popcorn.uz.
Куни кеча мутлақо янги ва кутилмаган мавзудаги тарона учун клип суратга олиш ишлари якунланди. ''Сериал'' номли ажойиб мавзуни қамраган мазкур ижод маҳсулининг сўзи ва мусиқа муаллифи Элдор Қаюмов, аранжировка устаси эса Ботир Алиевдир.
Мазкур ҳазиломуз композиция учун клипмейкер Сарвар Каримов ҳамда оператор Иззат Лутфуллаев томонидан видеоклип тасвирга олинди.
Клипда Умидаҳон турли сериал образлари, яъни Эсмеральда, Жади, Жасси ҳамда Тангем қиёфаларида намоён бўлади. Қолаверса клип жараёнида бир неча йиллар давомида халқимиз томонидан севиб томоша қилинган бир катор сериал қаҳрамонлари, шу жумладан Мелисио, доктор Молавер, Ҳануман, Жумонг ва бошқаларни учратамиз.
Ниҳоятда қизикарли кечган суратга олиш майдонидан маҳсус фоторепортажни томоша қилиб, ундаги образларни кимлар ижро этганини ўзингиз топасиз, дея маълум этмадик.
