1-январь куни тахминан соат 22.15 да 32 ёшли Олег Р. Учтепа туманида яшовчи ўгай отаси 52 ёшли Валерий З.нинг уйига меҳмон бўлиб келади.
Улар спиртли ичимликлар ичиб ўтиришганда ораларида келишмовчилик юзага келди ва Олег ошхона пичоғи билан ўгай отасига тан жароҳатлари етказди. Валерий З. шифохона олиб борилди. Тошкент шаҳар ИИББ ушбу факт асосида Ўзбекистон Республикаси Жиноят кодексининг 104-моддаси (“ Қасддан баданга оғир шикаст етказиш”) бўйича жиноий иш қўзғатилгани ҳақида хабар бермоқда.
