2015 йилнинг 18 феврал санасида қабул қилинган «Кексаларни эъзозлаш йили»давлат дастурига мувофиқ, тегишли қонун лойиҳасига ўзгартиш киритиш кўзда тутилган. Ўзбекистон Республикаси Жиноят кодексининг 50-моддасига ўзгартиш киритилиб, 60 ёшдан ошган аёллар ва эркаклар учун озодликдан маҳрум этиш жазосининг энг узоқ муддати қисқартирилиши режалаштирилмоқда, деб ёзади uz24.uz нашри.
Энг узоқ муддатга озодликдан маҳрум қилишга ҳукм қилинган 60 ёшдан ошган аёл ва эркаклар учун озодликдан маҳрум этилишнинг 3/4 қисми (75 фоиз) дан 2/3 қисми (67,7 фоиз) га қисқартириш таклиф қилинмоқда.
Тегишли ўзгартишлар жорий йилнинг иккинчи чорагида тайёрланиши лозим.
