Кеча, 9 февраль куни пойтахтимизда Халқаро бирдамлик мусобақасига расман старт берилган эди. Ушбу мусобақанинг дастлабки кунидаёқ ҳамюртимиз Муаттар Набиева терма жамоамиз учун илк медаль муаллифига айланди. Тошкент шаҳри мезбонлик қилаётган оғир атлетика бўйича Халқаро бирдамлик мусобақасининг биринчи кун беллашувлари ўз якунига етди. Эътиборлиси, мусобақанинг биринчи кун беллашувидаёқ терма жамоамиз ўзининг дастлабки медалига сазовор бўлди. Бу ҳақда Жисмоний тарбия ва спорт вазирлиги Матбуот хизмати хабар бермоқда.
Аёллар ўртасида -55 килограмм вазн тоифасида юртимиз шарафини ҳимоя қилган Муаттар Набиева мусобақада 3 та кумуш медални қўлга киритди. Вакиламиз даст кўтаришда 89 кг, силтаб кўтаришда эса 111 килограмм натижа қайд этди. Ҳар бир йўналишда Набиевадан 1 килограммдан юқори кўрсаткичга эга бўлган нигериялик атлет олтин медалларга эгалик қилди.
-55 кг вазнда аёллар:
1. Адижат Оларинойе (Нигерия) – 202 кг (90 кг + 112 кг)
2. Муаттар Набиева (Ўзбекистон) – 200 кг (89 кг + 111)
3. Кристина Шерметова (Туркманистон) – 195 кг (85 кг + 110 кг)
Шу тариқа вакиламиз Токио Олимпиадаси йўлида қимматли рейтинг очколарини ҳам ўз ҳисобига ёзиб қўйди.
