Сайтимиз орқали Ўзбекистонда хизмат кўрсатган артист Юлдуз Турдиеванинг овози билан боғлиқ муаммолар пайдо бўлгани ва у жарроҳлик операцияси арафсида тургани ҳақида хабар берган эдик.
Операцияга қадар иккита қўшиғига клип суратга олишни режалаштирган хонанда ўтган ойнинг охирларида хоразмча учлубдаги қўшиғига клип суратга олдирган эди.
Айни дамда эса “Сани Мажнун” номли лирик қўшиғига клип суратга олиш ишлари бўлиб ўтяпти.
Клипни Дилмурод Турдибоев бошчилигидаги ижодий жамоа суратга оляпти.
Қўшиқ сўзи Бобораҳим Машраб қаламига, мусиқаси Юлдуз Турдиевага мансуб.
Маълумотларга қараганда, Турдиева бугун тасвирга олиш жараёнларини охирига етказиб, эртадан муолажаларни бошлайди. Келаси ҳафта бошида эса жарроҳлик операциясини бошдан ўтказади.
Хонанданинг мухлислари ва жамоамиз номидан унга мустаҳкам соғлик тилаймиз.
